انواع بنوتات المسنجر

العاقله

..لما تفتح ماسنجرها ماتكلم حد

..تنتظر الكل يرحب فيها وهي تبتسم وتقول شكرا

واذا حد ارسل لها فايل او رابط اغنية حطت له علامة استفهام؟؟؟؟

!!!وتسكت نص ساعه ماتكلمه

ولما تكون متحمسه في الكلام.. تكتب كل كلمة في سطر وتضغط
!!انتر
..تخاف من الاخطاء الاملائيه

..وضحكتها عبارة عن ابتسامه واذا كانت مبسوطه مررره تحط ثلاث ابتسامات

!!المصلحجية

!!ماتسلم عليك الا مرة في الشهر.. تدخل عليك فجأه وتحط لك ورده
!!مع انها كل يوم متواجده وساكته

وتستخدم مشغول و في الخارج.. واذا احتاجت مساعدة تجيك وتسلم
عليك وتقول وينك من زمان ماشفتك؟
شدعوه ماتسال علي؟

ترى اختي كل يوم تفتح ماسنجري واوصيها تبلغك السلام لاني مشغووولة
حدي في الدراسة... خخخخخ حلوه الترقيعه

وبعد ماتخلص مصلحتها تقولك عن اذنك بروح اكمل مذاكره واختي بتجلس مكاني
!!لاتكلمها بليز.. ككككككككككك

الرسميـة

ترتب المجموعات الى قسم العائله و قسم الزملاء فقط.. طبعا مافيه قسم اصدقاء
...واغلب كلامها مثل.. احترم نفسك
...رجاء هذي امور خاصة فيني

!!!ولما تسالها شخبارك؟ ترد انا بخير وتسكت
!!!واذا سلمت عليها ترد وعليكم وتسكت
ولما تعطيها اهداء تقولك شمعنا انا بالذات؟
..ككككككككككك ياحياة الشقا

واغلب وقتها تقرا مواضيع في المنتديات
في قسم الرأي الاخر.. وتعشق برنامج الاتجاه المعاكس

!!!ككككككك الهبلــة

..هذي كل سوالفها ضحك.. وكل شوي تكتب نكته وتضحك لحالها
وضحكتها طويله تقريبا ثلاث سطور

..واغلب كلامها بالصور.. تستخدم كل صور الماسنجر وغلطاتها الاملائية كثيرة
..وتجمع عدة اشخاص في صفحة واحده .. وتتكلم عن ثلاثة مواضيع في وقت واحد
..وتقرا العناوين الرئيسية في الجريدة وتجي تسال عنها
ينقالها متابعة الاحداث العالمية خخخخخخ
وكل شوي تغير الصورة الجانبيه.. والنك.. ولون الخط

!!ككككككككككك الدفشــة

..تغيب أيام طويلة مدري وين تروح وترجع فجأة
..وكلماتها مثل.. شخبار امك عساها طيبة؟
يادلخ.. انقلع.. ضف وجهك.. ابي فزعه
..لاتزعل من خويتك تراني امزح

..ودايم تطيح الميانة.. وثقافتها ماتعدى المتوسطه
..وتفكيرها في البر والتفحيط والددسن
..وتمووت في اغاني خالد عبدالرحمن

..وماتعرف من العطورات غير دهن العود ابوعشرين
..ولو كلمتها عن ماركة قوتشي او ديور بتقولك مقاطعة الامريكان

وضحكتها زي كذا هع هع هع
وتكتب بلون اسود لانها ماتعرف تغير الالوان هع هع

!!!البطــــة

طباخة ممتازة وتحب تسولف عن الاكل.. ودايم جوعانه.؟
..ونقطة ضعفها الجالكسي جواهر والاندومي
وقبل موعد العشا بساعه يكون مزاجها متعكر
...ودايخه و تسولف من غير نفس
..ولما ينادونها للعشا تقفل الماسنجر بسرعة البرق
ككككككك وعادة يكون نكها فراولة الخليج او شوكولاته أنيقة
..او رمانه مخصرة

ودائما تتكلم عن تجاربها الفاشلة في الريجيم هع.هع
..مستحيل تشوفها في النهار لان الجو حار.. اوقاتها من العصر و طالع

دمها خفيف ومرهفة المشاعر وأقل موقف ممكن يبكيها

!!البريئــة

عمرها يكبر وعقلها مايتغير
..مازالت طفله وعلى نياتها
تثق في كل الناس وبسرعة تتأثر.. وكل يوم تسألك كم عمرك؟
..تعشق سبيس تون وبينك بانثر و تحب تسولف عن الأزياء والتسريحات
!!تتواجد في العصر و المغرب لانها تنام بدري.. ماعدا يوم الخميس طبعا
..شعارها الدنيا حلوة

احيانا تجيك سكتة قلبية من غبائها
..ومع ذلك هي الاولى في المدرسه
..لو بلغتها باسرارك بتفضحك في كل المنتديات

..تخاف من الأرنب والقطوه و أي شي يمشي على اربع رجيل
حتى انت لو تمشي على اربع بتخاف منك

!!الشينـــة

اسمها الحقيقي.. حصه او عنبره او رقيه.. ويعايرونها في البيت ام ضرس
..او الحولا او البطه او ام جبهة
..وتجي الماسنجر تتميلح وتقول اسمي الجوهره او فاتن او شهد او هيفاء
..ودايم تنتقد و مايعجبها العجب

واذا شافتك مشغول انواع الهواش والشتايم
واذا عطيتها وجه انواع الصفط والركب
تحتار كيف ترضيها..؟؟

تعطيها اغنية تقولك ماحب الاغاني
.. تعطيها كرت تقولك انا مو بزره قدامك
..تشبه سنفور غضبان.. كل شي يضايقها وكل شي يزعلها
تكره اليسا ونانسي وتموت في الطقاقات

ماتعرف تجامل ولاتمدح الا نفسها
..دايم توصف نفسها بالجمال والرشاقه
تختار اسماء مثل الدلوعة.. الفاتنة.. الماسة .. الى اخره

!!المتزوجـة

..هذي ممكن تكون سبب في كرهك للزواج
..كل سوالفها عن مشاكل الزواج و غثى اعيالها
..وفجأة تقولك برب وتروح تصايح على اعيالها وترجع
وكل يوم تسألك متى ناوي تتزوج عشان نفرح فيك؟
..واذا وصل زوجها للبيت تقفل الماسنجر في وجهك وتطلع من غير لاتقول باي

..اوقاتها مختلفه مالها وقت محدد
وترز صورة اعيالها في الماسنجر ينقالها تحبهم خخخخ

..شعارها يازين حياة العزوبيه
..نكها مثل المهمومه.. الجريحه.. المهاجره
..وتحب تسمع الكلام العاطفي وأغاني عبدالحليم
مزاجها متقلب مره تضحك ومره تبكي واحيانا تنام على الكي بورد

ادري ما حد بيرد عليج بس انا بارد الموضوع حلو واخر وحدة حلوة

ادري ما حد بيرد عليج بس انا بارد الموضوع حلو واخر وحدة حلوة

مدير المنتدى كتب:: ادري ما حد بيرد عليج بس انا بارد الموضوع حلو واخر وحدة حلوة

ما علي انرسل مرتين بالغلط

بس باقول هذا منقول ولا انتي كاتبته خخخخخ ههههه

جك جك جك ليش الغلط عاد انواع بنوتات المسنجر 132518

ع العموم مشكورين ع الرد والمرور[b]

اسفه ماقصدي بس أمزح

اشوفج ما رديتي يا إيماء على باقي مواضيع عروبة لو بس تبي الناس يردون عليج وادا ما ردوا تزعلي

والله يامدير الموضوع الي يشدني بقراءه وأني ماغصبتكم تقرو المواضيع عموماً بافككم من قراءة مواضيع
وشكراً

لالالالالالالالالالالالالالا ردي احسن لا توقفي هو ما في الى بس عضوتين وعضوين

مستانسين

شفيكم معصبين هدو اعصابكم اللي برد يرد واللي مابرد بكيفه اهم شي نقرا المواضيع ونستفيد

وهدا شكر لجميع المهتمين بالمنتدى وكل يحط مواضيع وكل اللي يساهم وكل اللي يقرا وما يرد

اوكي ما قلنا شي بس في بعض الناس >> مانبي ندكرهم

يقولوا نحط مواضيع مايردوا وبعدين يزعلوا و يتركوا المنتدى.....

المهم الي يبي يتأكد ان قروا موضوعه يشوف شوهد كم مرة ؟؟؟

المهم انكم مستانسين

اي مستانسين لووووول

الحين هم من صجهم بيتركو المنتدى مره وحده

اني بصراحه ادا شفت موضوع وقريته ارد عليه وفي اوقات ادخل المنتدى بس ما يمديني امر على كل الاقسام

بس الحين صرت آخد فره على الاقسام

واهم شي تكونوا مستانسين